കോട്ടയം ജില്ലയിലെ ഒരു പ്രധാന ശിവക്ഷേത്രമാണ് പുലിയന്നൂർ മഹാദേവക്ഷേത്രം. പാലായിൽ നിന്നും 3 കി.മീ. പടിഞ്ഞാറു മാറി സ്ഥിതി ചെയ്യുന്ന ഈ ക്ഷേത്രം 'ചെറുതിൽ വലുത്' എന്ന പേരിലാണ് അറിയപ്പെടുന്നത്. കൊടിയേറ്റോടെ ഉത്സവം ആരംഭിച്ച് ശിവരാത്രി ആഘോഷിക്കുന്ന കോട്ടയം ജില്ലയിലെ പ്രധാന ക്ഷേത്രമാണിത്. ഊരാണ്മ ഭരണസമിതിയുടെ അധീനതയിലാണ് ക്ഷേത്രം.ശിവരാത്രിയോടനുബന്ധിച്ചുള്ള പുലിയന്നൂർ കാവടി പ്രസിദ്ധമാണ്.ഗണപതി,ശാസ്താവ്,യക്ഷിയമ്മ,യോഗീശ്വരൻ,സർപ്പങ്ങൾ,ശ്രീകൃഷ്ണൻ,ദേവി എന്നീ ഉപദേവത മൂർത്തികളും ക്ഷേത്രത്തിലുണ്ട്.